发表于:

《后备席上的神经刀



-请支持蓝狮 Facebook专页-《原创文章 欢迎转载 请列明出处 谢谢》《后备席上的神经刀 按此观看图片 .图片来源 : Daily Express卡巴尼路,一个经已在球坛打滚多年既名字,有人认为佢既守龙手法唔稳阵,更有人用「神经刀」黎形容佢,但以一队球队既二号门将位黎讲,卡巴尼路无论係经验、实力还是级数,各方面其实都绝对係够洗够用,而喺岩岩对阵利物浦既联赛盃赛事之中,佢既表现什至能够同射入关键入球既夏萨特互相辉映。回顾卡巴尼路既英超生涯,阿根廷人係跟随前领队智利工程师柏历坚尼由西甲转到曼城,而主要係担任当时门将祖赫特既副手,同时亦为盃赛正选门将,但在场上偶然有甩漏,所以并不得到球迷欢心。直至喺曼城既最后一季,由于哥迪奥拿所收购既巴禾表珼不似预期,亦令卡巴尼路喺联赛上阵数字係自佢加盟蓝月亮以黎最高,一共以正选身份上阵17场,失左13个波,当中有7场为球队保住清白之身,以临危受命既后备门将黎讲,哩个数据绝对摆得上大枱见得。可惜哥迪奥拿并唔係一个随便既领队,对球员同战术拥有一份无坚不摧既执着,佢绝不轻易放弃一手引入既巴禾既,祖赫特定必不能再在曼城立足,三十有六既卡巴尼路便成为清洗对象之一,而哥帅更加喺宾菲加高价引入艾达臣与巴禾轮流竞争;适逢当时车路士第二门将比高域转投到般尼茅夫,位置上需要进行补充,而以免转会费方式由曼城引进卡巴尼路绝对係一个明智之举。虽然喺岩岩既世界盃,佢既「出丑」可以话埋下左阿根廷出局既伏线,不过回归球会既卡巴尼路始终都係依旧称职有余,不论正号门将係前任既古尔图斯,还是新加盟既艾列沙巴拿加,卡巴尼路都好愿意将佢既经验分享比哩批年青后辈听,而即使过往守开盃赛既佢去到决赛被调任后备,佢亦相当愿意以球队利益为大前题,哩种精神都係值得欣赏同学习。无论如何,拥有卡巴尼路哩种后备门将对车路士黎讲绝对係一种福气。文章最后更新时间 : 29/09/2018 10:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持